ثورة المطالب المشروعة

الموضوع يرجع لأول خطاب لهيلاري كلينتون

خطاب هيلاري كان بالحرف: تقييمنا هو أن الحكومة المصرية مستقرة وتبحث عن طرق للإستجابة لإحتياجات والمطالب المشروعة للشعب المصري..25 يناير

مبدأيا عرفت كلمة المطالب المشروعة دي جت منين؟ الكلمة الي المجلس العسكري لازم يقولها في أي خطاب؟ طبعا إنت عارف هي إتقالت كام مرة .. كل مرة بيظهروا .. لازم يقولوا كلمة السر: المطالب المشروعة .. عشان أمريكا محفظاهم وطبعا المصري لما بيحفظ بيبقي لبلب

إقرا بنفسك كلمة:  Legitimate

الفيديو طبعا إتشال من أي حتة علي النت عشان فيه هيلاري بتدعم مبارك

QUESTION: Secretary, on Tuesday, after the protests had already started in Cairo, you said this:

SECRETARY CLINTON: Our assessment is that the Egyptian Government is stable and is looking for ways to respond to the legitimate needs and interests of the Egyptian people

http://www.state.gov/secretary/rm/2011/01/155589.htm

أنا نازل يوم 27 مايو

هنزل يوم 27 عشان الإرهاب الإعلامي هو هو وبيستخدموا إخفاقات حكومة مبارك الإقتصادية عشان يلزقوها للثورة .. تزوير وترهيب وتخويف

هنزل عشان المجلس العبقري إفتكر الإخوان مفجرين الثورة فعمل معاهم صفقة .. وإفتكر الإئتلاف بيعبروا عن الشعب فعملهم عملية تنويم مغناطيسي .. وإفتكر عمر عفيفي محرك الإعتصامات فبعتله تهديد ..هنزل عشان المجلس بيدور علي أي حد غير الثورة عشان يعقد معاهم صفقات

هنزل يوم 27 عشان يوم المجلس العسكري كل شوية بيفكرني إنه الداعم الأول للثورة وبيحميها .. وهو مش بيحمي غير ثروة نظام مبارك

هنزل عشان المجلس العسكري عذب وحاكم وحبس وشتم وضرب وإعتقل وفض إعتصامات .. وكشف علي عذرية و أصدر قوانين ضد الإعتصامات وعمل إستفتاء صوري وضرب ذخيرة حية وأخلي سبيل زكريا عزمي وفتحي سرور ومرتضي منصور وحبس زكريا عزمي تاني .. ومبارك لسة في شرم الشيخ

هنزل عشان المجلس إدي مهلة كافية لكل الفاسدين في ترتيب أوراقهم

هنزل عشان المجلس عايز يزهقني من الثورة

هنزل عشان القضاء المصري لسه ماشي بقانون كل ما تتزنق أجل

هنزل عشان الإعتداء علي الكنائس لسة بيخلص “حبي” ومش بالقانون

هنزل عشان الغباء والتستر علي الفساد وإستعادة حقوق الغلابة

هنزل عشان مخنوق زي ما كنت مخنوق أيام مبارك وفي حاجة كاتمة علي صدري

هنزل عشان المجلس ساب حسين سالم يهرب وقبض علي طارق شلبي

هنزل عشان قضية خالد سعيد هتفضل تتأجل الي ما لا نهاية

هنزل عشان ما فيش ولا تحقيق واحد إتفتح مع أمن الدولة رغم كل الي شفناه بعنينا

هنزل عشان طنطاوي

نيجي هنا لتعريف بتاريخ المشير طنطاوي وبآخر 7 مناصب كان يشغلها:

شغل طنطاوي مناصب قيادية عديدة في القوات المسلحة المصرية قبل تكليف الرئيس السابق حسني مبارك له بتولي مسؤولية القيادة العامة للقوات المسلحة المصرية. فمن بين المناصب التي تولاها قائد الجيش الثاني الميداني (1987)، ثم قائد قوات حرس الجمهوري (1988)، ثم قائدا عاما للقوات المسلحة ووزيرا للدفاع في 1991 برتبة فريق ثم بعدها بشهر أصدر السيد الرئيس السابق مبارك قرارًا بترقيته إلى رتبة الفريق أول. وفي سنة 1993 أصدر الرئيس مبارك قرارا جمهوريا آخر بترقيته إلى رتبة المشير ووزيرا للدفاع والإنتاج الحربي

• قائد فرع التخطيط والقوات المسلحة والعمليات السلطة.

• رئيس أركان الجيش الثاني الميداني.

• قائد الجيش الثاني الميداني.

• قائد الحرس الجمهوري.

• رئيس عمليات القوات المسلحة.

• وزير الدفاع 20 مايو 1991.

  • القائد العام للقوات المسلحة ووزير الدفاع والإنتاج الحربي 1أكتوبر 1993

http://ar.wikipedia.org/wiki/%D9%85%D8%AD%D9%85%D8%AF_%D8%AD%D8%B3%D9%8A%D9%86_%D8%B7%D9%86%D8%B7%D8%A7%D9%88%D9%8A

اللهم صلي علي النبي .. مبارك كان شايف فيه الإلتزام والإنضباط …والولاء.. أصل منصب قائد الحرس الجمهوري دي مش بيشغله غير لو حد أقرب للرئيس من أبوه ودمه حتي.. بس برضه واضح إن مبارك كان مستاء منه جدا بدليل إنه كل مرة بيعينه في منصب أحسن بقرار شخصي؟ لا لا لا قول كلام غير ده .. المشير طنطاوي هو مفجر ثورة 25 يناير .. والدليل أهه .. أنزه وأنضف جريدة في مصر بتقول إنه كان هيعمل إنقلاب جمال مبارك أو يزغزغه لحد ما يعمل علي روحه

http://www.almasryalyoum.com/node/424319

واضح إنه كان خبر “تعبيري” جدا من بتوع زمان

هنزل عشان أنا عندي أصلا إرتجاف أذيني وعارف إن الموضوع مش محتاج إني أقضي شهرين ولا حتي يومين في مستشفي

هنزل عشان المجلس العسكري بيحمي مبارك من الشعب .. مش العكس .. الظاهر نسيوا إن البلد دي قامت فيها ثورة .. وأنا نازل أفكرهم

هنزل عشان خالتي قدمت للثورة أكتر من شباب الإئتلاف

هنزل عشان الإعلام ما إتحررش ولسه بيضلل الناس

هنزل عشان عايز حقي وحق الشهداء وإلمجلس فرض نفسه عليا ووقف في سكتي وأنا بجيب حقي

هنزل عشان مطالبي “المشروعة” لم تحقق أيها المجلس العسكري

هنزل عشان المجلس العسكري بيذلني ب”دعمه” للثورة .. وأنا إتذليت بضربة جوية 30 سنة

وراك السولار